Qaradağda ölümlə nəticələnən ağır yol qəzası baş verib.
Lent.az xəbər verir ki, hadisə Bakı-Qazax-Gürcüstan yolunun Qaradağdan keçən 70-ci km-də qeydə alınıb. Sumqayıt şəhər Kotec qəsəbə sakini 68 yaşlı Əhmədov Vəli İsmayıl oğlu idarə etdiyi “Mercedes-Benz” markalı avtomobili sürərkən idarəetməni itirib və maşını aşırıb. Nəticədə Hacıqabul rayon sakinləri 53 yaşlı Vəliyev Fikrət İsmayıl oğlu hadisə yerində ölüb, 62 yaşlı Nəcəfov Vahid Vadar oğlu isə xəstəxanaya aparılarkən yolda dünyasını dəyişib. Həmçinin avtomobildə olan digər sərnişinlər, 34 yaşlı Goranboy rayon, Hazırəhmədli kənd sakinləri Haqverdiyev Elşad Mais oğlu və 24 yaşlı Kərimova Əminə Fərman qızı xəsarət alaraq xəstəxanaya yerləşdiriliblər.
Faktla əlaqədar Cinayət Məcəlləsinin 263.3-cü maddəsi ilə cinayət işi açılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
