891
07:26
08 Dekabr 2019

Liviya Baş naziri: "Xəlifə Haftarın qırıcısını məhv etdik"

Liviya Milli Barışıq Hökumətinin Baş Nazir Faiz Saraj şənbə günü marşal Xəlifə Haftarın rəhbərlik etdiyi Liviya Milli Ordusuna məxsus döyüş təyyarəsini məhv etdiklərini iddia edib.

APA-nın "Əl Cəzirə"yə istinadən verdiyi məlumata görə, Baş nazir qeyd edib ki. “MiG-23” tipli qırıcı Tripolidən 10 km cənubda, Qasr Ben-Gaşir bölgəsindəki Yarmouk hərbi bazası yaxınlığında vurulub.

Lakin Faiz Saraj pilotun taleyi barədə məlumat verməyib.

Qeyd edək ki, hazırda Liviyada paralel olaraq iki hökumət mövcuddur: beynəlxalq səviyyədə tanınan Saraj kabineti və ölkənin şərqində seçilmiş parlamentlə birlikdə fəaliyyət göstərən və Haftar qüvvələri tərəfindən dəstəklənən Abdullah Əbdürrəhman at-Taninin müvəqqəti kabineti.