Qarabağ atları Moskvaya aparıldı

Azərbaycanın Qarabağ atları Moskvada keçiriləcək XXI Beynəlxalq At Sərgisində nümayiş olunacaq.

APA-nın Moskva müxbirinin xəbərinə görə, sərgi noyabrın 28-dən dekabrın 1-dək "Sokolniki" Sərgi və Konqres Mərkəzində keçiriləcək.

Sərgidə ilk dəfə olaraq Rusiyada Azərbaycanın fəxri olan nadir cins Qarabağ atları nümayiş olunacaq.

Sərgi çərçivəsində iştirakçılar Azərbaycanın adət-ənənələri və mədəniyyəti ilə də tanış ola biləcəklər.

Eyni zamanda sərgi iştirakçıları Qarabağ atları barədə ətraflı məlumat əldə edə və onlarla xatirə şəkli də çəkdirmək imkanı əldə edəcəklər.