19:56
25 Noyabr 2019

“Toyota”dan ŞOK İXTİRA: əməliyyatdan sonra xəstələri...

“Toyota” dünyada ilk növbədə avtomobil istehsalçısı kimi tanınır, amma şirkət başqa hazırlamalar üzərində də işləyir. “WelWalk WW-2000” adlı yeni robot zədələnmə və əməliyyatdan sonra xəstələrin yerişinin bərpası üçün nəzərdə tutulub.

Lent.az “ictnews”a istinadla xəbər verir ki, yeni ixtira hərəkət etmək qabiliyyətini itirmiş insanlara yenidən gəzməyi öyrədir.

Tibbi robotun tədarük dəstinə qaçış cığırı, monitor, diz oynağını bükməyə və açmağa kömək edən avtomatlaşdırılmış ayaq daxildir. Təlimlərə marağı artırmaq üçün bəzi məşqlər yarışma şəklində təqdim edilib və əldə edilmiş irəliləyiş ekranda göstərilir.

2011-ci ildə hazırlanmış “WW-1000” modelini əvəz etmiş yeni modelin özəlliyi xəstənin qeyri-təbii yerişini avtomatik tanıma funksiyasıdır. Çoxsaylı sensorlar ayağın hərəkətindəki problemləri aşkar edir və pasiyentin vəziyyətini yaxşılaşdırmağa kömək edəcək hazır dəyişikliklər təklif edir.

Şirkət artıq tibbi müəssisələr üçün ilkin sifariş imkanını əlçatan edib.

Dİgər xəbərlər