2181
13:03
25 Noyabr 2019

Flora "arxamca danışır" dediyi həmkarı ilə barışdı - İLLƏRİN KÜSÜLÜLÜYÜ BİTDİ

Xalq artisti Flora Kərimova illərdir küsülü olduğu Əməkdar artist Teymur Əmrahla barışıb.

Lent.az -ın məlumatına görə, F.Kərimova bu barədə “ATV maqazin onlarla” verilişində deyib:

“Danışırıq, ünsiyyətimiz də var. Teymura deyəndə ki, səsini Flora Kərimovanın səsinə oxşadırsan, çox gözəl cavab verdi. Dedi ki, mən səsimi ustada oxşadıram".

Qeyd edək ki, Flora Kərimova Teymur Əmrahla qalmaqalda olan zaman bu sözləri demişdi: “Mənə pis ana deyə bilərlər, amma vətənpərvərliyimə heç nə deyə bilməzlər. Bu yaxınlarda Teymur Əmrah dedi ki, guya, mənə həsr olunan “Ey vətən” mahnısını oxumağa ixtiyarım yoxdur. Bu mənə çox pis təsir etdi.
Teymur, əl çək məndən. Nəfəsin, tərzin mənimdir. Səni mənim mahnılarımla sevdilər. Onları oxudun, özünü sevdirməyə çalışdın. Hər şeyə şübhən ola bilər, ancaq mənim vətənpərvərliyimə yox. Səndən qüdrətli insanlar mənimlə çarpışmağı bacarmadılar. Bu vərdişini qoy yerə. Onsuz da alnında, danışıq tərzində Flora Kərimova yazılıb. Məni pisləməklə kimlər nə qazandı ki, sən də qazanasan. Hələ ki, gec deyil, dayan. Heç nə əldə edə bilməyəcəksən. Mən bu cəmiyyətdə zərrə-zərrə öz yerimi qazandım.
Sən isə misqal-misqal addımlayırsan, insanların sənə nifrətini qazanma. Sən mənim oxşarımsan. Hansı ləkəni boynuma qoysalar, dinmərəm. Amma Teymur “Ey vətən” mahnısını oxumağa ixtiyarım olmadığını dedi. Bu qədər insafsızlıq, paxıllıq olmaz. Dayan, sən nə edirsən? Sənin hansı yolunu kəsmişəm ki? Mən hər zaman ona dəstək olmuşam. Amma o, hər zaman arxamca danışıb”.