Milli Məclisin deputatı Yevda Abramovun müalicəsinə Mərkəzi Klinik Xəstəxanada davam edilir.
Bu barədə Lent.az-a deputatın qızı məlumat verib. O bildirib ki, həkim əsas müalicəyə bu gündən başlayacaq:
“Vəziyyəti getdikcə stabilləşir. Şükür yaxşıdır, düzəlməyə doğru gedir.
Atam 2 il əvvəl onkoloji xəstəlikdən əməliyyat keçirib, ondan sonra isə kimyəvi terapiya qəbul edir. Buna görə də immuniteti zəifləyib”.
Qeyd edək ki, Yevda Abramov Milli Məclisin İnsan hüquqları komitəsinin sədr müavinidir.