Almaniyadakı siyasi mühacirlərin aqibəti BƏLLİ OLDU - "Bu gecə..." - YENİLƏNİB
14 noyabr 2019 15:04 (UTC +04:00)

Almaniyadakı siyasi mühacirlərin aqibəti BƏLLİ OLDU - "Bu gecə..." - YENİLƏNİB

“Əsasən də Müsavat partiyasının sənədi ilə müraciət edənlər Almaniyadan deport olunacaq”.

Lent.az xəbər verir ki, bu barədə Almaniyada yaşayan azərbaycanlı Həbib Müntəzir öz “Facebook” profilində məlumat yayıb:

“Ən son aldığım məlumata görə bu gecə Almaniyadan, əsasən Bavariya torpağından xeyli azərbaycanlı siyasi mühacir deport olunacaq. Əsasən də Müsavat Partiyasının sənədi ilə müraciət edənlər. Keçmiş olsun, ölkədaşlar”.

saat: 14:12

***

“Mühacirlərin Azərbaycana deportasiyası üçün iki ölkə arasında müqavilə olmalıdır”.

Bu sözləri Almaniyada tutulan azərbaycanlı mühacirlərin ölkəyə təhvil verilib-verilməyəcəyi barədə Lent.az-a Vəkillər Kollegiyasının üzvü, beynəlxalq hüquq üzrə mütəxəssis  hüquqşünas Habil İsgəndərov deyib. Hüquqşünas, saxlanılan mühacirlərin Azərbaycana təhvil verilməsi üçün bir neçə kriteriyaların lazım olduğunu bildirib:

“Almaniya dövləti saxladığı azərbaycanlı mühacirləri Azərbaycana təhvil verməsi üçün əvvəlcə iki ölkə arasında müqavilə olmalıdır. İkincisi, qeydə alınan pozuntular Azərbaycanda da cinayət hesab olunmalıdır. İnsan alveri nəinki Azərbaycanda, bütün dünyada ən böyük cinayətlərdən biri hesab olunur. Onun da ən geniş yayılmış növü qadınları əxlaqsızlığa cəlb etməkdir. Digər növlərin içərisində əsası isə orqan alveri hesab olunur. Həmçinin saxta sənəd düzəltmək də Azərbaycan qanunvericiliyində cinayət tərkibli əməl hesab edilir. Qeyd etmək lazımdır ki, yalnız insanlara hər hansı hüquq verən sənədlər saxtlaşdırıldıqda bu cinayət hesab olunur. Sözügedən hadisədə də, mühacirlərə saxta miqrant sənədi verilib. Yəni, onların başqa bir ölkədə yaşamağına, fəaliyyətinə saxta sənədlə icazə verilib.  İki ölkə arasında deportasiya haqqında müqavilə varsa, saxlanılan şəxslər Azərbaycana verilə bilər”.

# 4610
avatar

Mehman Nəbiyev

Oxşar yazılar