Moskva polisi qeyri-qanuni odlu silah gəzdirməkdə şübhəli bilinən 4 azərbaycanlını saxlayıb.
Lent.az-ın “Aqentstvo Moskva” agentliyinə istinadən verdiyi məlumata görə, paytaxtın “Semyonavskaya” küçəsində 1985-ci il təvəllüdlü Azərbaycan vətəndaşının “Audi A6” markalı maşını saxlanılarkən onun yük yerindən iki tapança tapılıb. Bundan sonra sürücü və sərnişinlərdən birinin üstündən də iki tapança və 20-dək patron aşkar edilib.
Saxlanılanlar polis idarəsinə gətirilib və faktla bağlı cinayət işi qaldırılıb.