"Raytheon" şirkəti ABŞ Hərbi Hava Qüvvələri üçün lazer silahı vasitəsilə düşmən pilotsuz uçan aparatlarını bir neçə saniyəyə məhv etməyə imkan verən sistem yaradıb.
Lent.az "ictnews"a istinadla xəbər verir ki, 2018-ci ilin martında keçirilən ilk sınaqlar zamanı antidron sistemi vasitəsilə onlarla dron vurulub. ABŞ HHQ texnologiyanın nümayişi üçün 2 milyon dollar ödəyib. Uğurlu testlərdən sonra lazer sistemi döyüş növbətçiliyinə qəbul edilib.
Hərbçilərin planlarına ABŞ-dan kənarda döyüş meydanları zonalarında səhra şəraitində əlavə testlərin keçirilməsi daxildir.
Məlumata görə, yeni silah "Raytheon" lazeri və pilotsuz uçan aparatların "özünkü və ya düşmən" prinsipi üzrə izlənilməsi və müəyyənləşdirilməsi üçün nəzərdə tutulan çoxspektral tuşlama sistemindən ibarətdir. Qayda pozucusu aşkarlandıqdan sonra antidron sistemi bir neçə lazer atışı etməklə dərhal pilotsuz uçan aparatı məhv edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
