Dələduzluq və soyğunçuluq edənlər yaxalandılar

Dələduzluq etdiyinə görə tutulan N.Ağayevin ətrafında Saatlı rayon Polis Şöbəsi əməkdaşlarının apardığı əməliyyat tədbirləri ilə onun 2018-ci ilin avqust ayından bu ilin mart ayınadək olan müddətdə Saatlı rayon sakinləri olan daha 4 nəfəri aldadıb onlardan ümumilikdə 8700 manat alması da müəyyən edilib.

Lent.az -a Daxili İşlər Nazirliyindən verilən məlumata görə, Bərdə rayon Polis Şöbəsinə müraciət edən şəhər sakini M.Hüseynov oktyabrın 20-də saat 19 radələrində şəhər ərazisində 1 nəfərin ona zor tətbiq edərək 286 manatını almasını bildirib.

Keçirilən əməliyyat-axtarış tədbirləri nəticəsində soyğunçuluğu törətməkdə şübhəli bilinən şəhər sakini S.Paşazadə saxlanılıb.

Bərdə rayon Polis Şöbəsində araşdırma aparılır.