1285
11:49
14 Oktyabr 2019

"Kişilikdən danışma, paxırını açsam, çölə çıxa bilməzsən" - Aqşini HƏDƏLƏDİ

Müğənni Kərim Abbasov meyxanaçı Aqşin Fateh barəsində qalmaqallı fikirlər səsləndirib.

Lent.az -ın məlumatına görə, ifaçı “Tolik ilə səmimi” layihəsində söz ustasını hədələyib. O, bildirib ki, Aqşin bundan sonra artıq-əskik kəlmələr işlətsə, onun paxırlarını açacaq:

“Mən 25 ildir toylarda, 19 ildir peşəkar səhnədəyəm. Getdiyim məclislərdə meyxanaçılardan Namiq Qaraçuxurludan tutmuş Pərviz Bülbülə ilə rastlaşmışam. Ancaq heç birində Aqşin Fateh adlı adam görməmişəm. Mən onu müğənni Aynur Dadaşovanın sayəsində tanımışam. Aynurla oxuduğu duetdən sonra tanıdım.

“Maşın” şouya gedəndə içimdə belə bir hiss var idi ki, səs verməyə çıxsam, birinci onu çıxaracam. Bakı balaca şəhərdir. Heç kəs oturub namusdan-qeyrətdən danışmasın. Hərənin öz namusu özünə bəs eləyir. Onun 4 dənə balası var. Aqşin, sənin əlindən çox pis yanıqlıyam. Əgər istəmirsənsə sənin bütün kartlarını açım və sənin balaların məktəbə gedəndə bu kəlmələrdən utanmasın... Hələ ki səndən xahiş edirəm. Dilini sakit saxla, mən sənin paxırını açsam, evdən çölə çıxa bilməyəcəksən. Sən də bilirsən ki, mən söz gəldisə, deyirəm. Sözün ardını düşünmürəm. Faktla sənin ayıbını açsam, gərək sən heç nə danışmayasan. Bəsdir, kişilikdən danışdın. Kişilik kostyumla ölçülmür. Kişilik geyimlə deyil, bu mənim tərzimdir, səhnə adamıyam. Mən estrada müğənnisiyəm”.

Qeyd edək ki, K.Abbasovla A.Fateh arasında qalmaqal “Maşın” şoudan başlayıb.