Bu dövlət kafelərdən müştərilərin “Wi-Fi” məlumatlarını tələb edir

Pulsuz “Wi-Fi” xidməti təqdim edən restoran və başqa ictimai yerlərin rəhbərliyi istifadəçilərin internetdəki aktivliyi haqqında məlumatları 90 gün ərzində saxlamalıdırlar.

Lent.az “ictnews”a istinadən xəbər verir ki, Tailandın Rəqəmli İqtisadiyyat naziri Buddhiponqse Punnakanta izah edib ki, bu məlumatlar cinayət hadisələrinin araşdırılması zamanı lazım ola bilər.

"Pulsuz Wi-Fi xidməti təqdim edən mağaza və kafelər istifadəçilərin məlumatını 90 gün ərzində saxlamalıdırlar ki, hüquq-mühafizə orqanları zərurət olduqda həmin məlumatı Kompüter Cinayətləri haqqında Qanunun 26-cı maddəsi çərçivəsində tələb edə bilsin", – deyə nazir bildirib.