“Zirə” futbol klubunun yeni baş məşqçisi müəyyənləşib.
APA-nın məlumatına görə, paytaxt təmsilçisinin “sükanı arxası”na Zaur Həşımov keçib.
Bunadək “Qəbələ”nin məşqçisi vəzifəsində çalışan 38 yaşlı çalışdırıcı təxminən 2 illik fasilədən sonra qəsəbə klubuna qayıdıb. 2016-cı ilin yayından 2018-ci ilin sonunadək “Zirə”nin əsas komandasında baş məşqçinin köməkçisi kimi fəaliyyət göstərən mütəxəssis bundan əvvəl klubun U-18-inə də rəhbərlik edib.
O, bu postda uğursuz nəticələrə görə istefaya göndərilən Samir Abasovu əvəz edib. Z. Həşimovla mövsümün sonuna qədər müqavilə imzalanıb. Yeni baş məşqçi artıq sabahdan işinə başlayacaq.
Qeyd edək ki, futbolçu kimi “Şəfa” (1997-2001), “İnter” (2001-2007), “MKT-Araz” (2007), “Xəzər Lənkəran” (2007-2008), “Qarabağ” (2008-2012), “Sumqayıt” (2013-2014) klublarında, həmçinin Azərbaycan milli komandasında (1998-2007) çıxış etmiş Z.Haşımov “Qarabağ” və “Zirə”də məşqçi, Azərbaycanın U-18 yığmasında baş məşqçi kimi çalışıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
