Xalq artisti Könül Xasıyeva şəxsi həyatı ilə bağlı açıqlama verib.
Lent.az-ın məlumatına görə, xanəndə “Şou ATV”də deyib ki, sevgidə bəxti gətirməyib:
“Uşaqlıq dövrü keçirdiyim yadıma gəlmir. Sanki böyük doğulmuşam. Ruhum hər zaman ağlayıb. Çox peşmanam. Kaş ki, tanımayaydım dediyim insanlar var. Hər birimizin qəlbimizdə ideallaşdırdığımız bir sevgi var. Mən o sevgini yaşamaq istədim. İçimdə yaşadığım sevginin 52 ildə qarşılığını ala bilməmişəm. Mənim ən böyük möcüzəm övladım Kazımdır. O insan məni ana edib, ona hər zaman qəlbimdə sevgi var”.
Qeyd edək ki, K.Xasıyeva həyat yoldaşından boşanıb. Həmin evlilikdən bir oğlu var.