Ayağı kəsilən Xalq artistimiz canlı efirdə: "Hərəkət edə bilmirəm"

Bir neçə ildir yataq xəstəsi olan xalq artisti Ramiz Əzizbəylinin səhhətindən xəbər var. Lent.az -ın məlumatına görə, “Hər şey daxil “verilişinin canlı yayımına qatılan xalq artisti səhhəti barədə danışıb: “Yataqdayam, hərəkət edə bilmirəm. 9-cu aydır. Ayağım kəsilib. Məni göstərmək lazım deyil. Hərəkətsizəm, məni yedizdirirlər. Allah Xədicə qızımdan razı olsun ki, mənə baxır. Səhəri normal açmışam. Heç yatmışam ki... Hər gün mannı-kaşa yeyirəm. Amma normalda nə versələr yeyirəm. Ən böyük arzum çox yaşamaqdır. Hələ yaşamaq istəyirəm”.

R.Əzizbəyli bildirib ki, bu yaxınlarda yeni evinə köçəcək: “Allah Mehriban xanım Əliyevadan razı olsun. Evimi təmir elətdirir. Ölməsəm, sağ qalsam, o evə köçəcəm”.

Qeyd edək ki, R.Əzizbəyli bir neçə ildir iflic, yüksək qan təzyiqi və şəkərdən əziyyət çəkir. Eyni zamanda qanqrenadan əziyyət çəkən xalq artistinin ayağı barmaq hissədən amputasiya olunub.