Şəkərli diabetin daha bir səbəbi aşkarlanıb.
e-tibb.az xarici mediaya istinadən xəbər verir ki, yeni araşdırmalara görə, insulin disbalansı diabetin yeganə səbəbi deyil. Alimlərə görə, qaraciyərdə olan problemlər də diabetə gətirib çıxara bilər. İsveçrədə aparılan yeni tədqiqatın nəticələri göstərir ki, kök insanlarda diabetin yaranma səbəbi qaraciyərdə yağın toplanmasından birbaşa asılıdır.
"Bizim gəldiyimiz nəticələr göstərir ki, indiyə kimi məlum olan insulin disbalansından başqa, qaraciyər yağlanması da ikinci tip diabetin inkişafına kömək edir", deyə müəlliflər bildirib.
Alimlər eksperimenti davam etdirməyi və heyvanlarda xəstəliyin inkişafını modelləşdirməyi planlaşdırırlar.
Qeyd edək ki, qanda şəkər səviyyəsi əsasən iki hormonla tənzimlənir. Bu, qanda qlükozanın səviyyəsini azaldan-insulin, onu artıran-glukagondur. Onların təsiri altında, qaraciyər qlükozanın səviyyəsini - istehsal və yenidən bölüşdürməklə tənzimləyir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
