316
19:51
14 Sentyabr 2019

Azarın debüti “Real”a düşərli oldu

Madridin “Real” klubunun futbolçuları İspaniya çempionatının 4-cü turunda “Levante”ni 3:2 hesabı ilə məğlub ediblər.
Lent.az xarici KİV-ə istinadla xəbər verir ki, “Kral klubu”nun heyətində iki dəfə Kərim Benzema (25 və 31-ci dəqiqələrdə) və 40-cı dəqiqədə Kazemiro fərqləniblər. Qonaq komandanın qollarını Borxa Mayoral (49-cu dəqiqə) və Qonsalo Melero (75-ci dəqiqə) vurublar.
60-cı dəqiqədə Kazemironun yerinə meydana “Real”a İngiltərənin “Çelsi” klubundan tranfer olunan belçikalı yarımmüdafiəçi Eden Azar girib. O, Madrid klubunda debüt edib.
“Real” 4 oyundan sonra 8 xalla ikinci sıradadır. “Levante” beşincidir, 6 xalı var. Lider 9 xal toplayan “Atletiko”dur.