Xəbər verdiyimiz kimi, sentyabrın 9-da Sabirabad rayonu Qaragüney və Həşimxanlı kənd sakinləri Muradov Yunis Möhübbət oğlu və İsgəndərov Rəvan Ülvi oğlu rayon Mərkəzi Xəstəxanasına gətiriliblər. Həkimlər onlara qarayara diaqnozu qoyublar.
Lent.az-a açıqlama verən Sabirabad rayon Mərkəzi Xəstəxanasının baş həkimi Yusif Quliyev deyib ki, hazırda onların vəziyyəti qənaətbəxşdir:
“Əvvəllər qarayara ilə bağlı təcrübəmiz yox idi, ancaq 2-3 xəstəmiz olub deyə həkimimiz onları yüksək səviyyədə müalicə edir. Onlar 3-4 günə evə yola salınacaq”.
Qeyd edək ki, qaraya xəstəliyi ehtimalı ilə bağlı Azərbaycan Qida Təhlükəsizliyi Agentliyinin mütəxəssislərindən ibarət araşdırma qrupu yaradılıb və hadisənin baş verdiyi əraziyə ezam olunub. Hazırda araşdırma gedir.
Onu da qeyd edək ki, bu il iyul ayının 25-də Sabirabadda iki nəfər qarayaraya yoluxub. Onlardan biri iyulun 29-da dünyasını dəyişib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
