Müğənni Günay İbrahimli sosial şəbəkədə anası ilə şəklini paylaşıb.
Lent.az xəbər verir ki, ifaçı 50 yaşını qeyd edən anası İlhamə Hüseynovanı təbrik edib: “O, günün bütün saatlarında sizi təmənnasız sevir... Sizin üçün hər kəsə, hər şeyə sinə gərir. Bəlkə də kiçik bir təbəssümünüz üçün nələrdən keçir... Bu, anadır. Bu gün isə o qadınlardan biri - əziz anamın 50-ci yaşı tamam olur. Hər zaman ona layiq övlad olmağa çalışmışam. Nə qədərini bacarmışam, bilmirəm. Lakin bildiyim tək şey onu ömür boyu yanımda görmək istəməyimdir. Ad günün mübarək, cənnətə layiq olanım”.