Lent.az -ın mətbəxi layihəsində növbəti yazımızı təqdim edirik.
Bu dəfə sizi sosial şəbəkədə “Bizim Mətbəxdən” adı ilə məşhur olan səhifəyə istinadla badımcan konservnin resepti ilə tanış edəcəyik.
Tərkibi:
Badımcan 2.5 kq, pomidor 2 kq, yaşıl şirin bibər 4 ədəd, qırmızı şirin bibər 2 ədəd, acı bibər 2 ədəd, sarımsaq 1 baş, soğan 2 ədəd orta ölçülü, bitki yağı 2 stəkan (badımcanları qızartmaq üçün), bitki yağı 1 armudu stəkandan 1 barmaq aşağı (soğanı qovurmaq üçün), duz 1 xörək qaşığı
Hazırlanma qaydası:
Ərzaqları yuyuruq, qabıqlarını soyub, doğrayırıq. Sonra bütün məhsulları bişiririk. Öncə badımcanları qızardırıq. Daha sonra qazana yağ töküb soğanları əlavə edirik. Yağda soğan bir az qovurulduqdan sonra bibərləri əlavə edirik. Daha sonra növbə ilə pomidoru azca qaynayandan sonra sarımsaqları əlavə edirik. Məhsulları birlikdə 5 dəqiqə bişirib, badımcanları da əlavə edirik. Badımcan yeməyi hazır olduqdan sonra bankalara yığıb ağzını möhkəm bağlayırıq. Daha sonra bankaları qazana yığıb 5-10 dəqiqə qaynadırıq və qış üçün sərin yerdə saxlayırıq.
Nuş olsun!
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
