İki oyunçu yığmamızın heyətindən kənarlaşdırıldı

Qadın voleybolçular arasında Azərbaycan millisinin heyətində dəyişiklik edilib.

APA-nın məlumatına görə, yığmanın italiyalı baş məşqçisi Covanni Kaprara Avropa çempionatında daha iki oyunçunun köməyinə ehtiyac duymayıb.

O, son anda hücumçu Anastasiya Qurbanova və blokçu Kseniya Pavlenkonu komandadan kənarlaşdırıb. Təcrübəli mütəxəssis yekunda 14 deyil, 12 oyunçu sifariş etməyi məqsədəuyğun sayıb.

Azərbaycan millisinin heyəti

Toppaylayıcılar: 2. Yana Əzimova, 14. Kristsina Yaqubova, 18. Şəfaqət Alışanova

Blokçular: 6. Ayşən Abduləzimova, 7. Olena Həsənova, 22. Mariya Kirilyuk

Hücumçular: 5. Odina Əliyeva, 8. Yelizaveta Səmədova, 9. Anastasiya Bessonova, 17. Polina Rəhimova, 20. Marqarita Əzizova

Libero: 19. Bəyaz Əliyeva

Qeyd edək ki, Azərbaycan millisi avqustun 23-də başlayacaq Avropa çempionatında C qrupunda yer alıb. Voleybolçularımız Macarıstan, Xorvatiya, Hollandiya, Estoniya və Rumıniya ilə üz-üzə gələcəklər. Qrupun oyunları Budapeştdə keçiriləcək.