213
12:31
10 İyun 2019

Deputat seçicilərin problemlərini dinlədi

Milli Məclisin deputatı Çingiz Qənizadə 80 saylı İmişli-Beyləqan seçki dairəsinə daxil olan İmişli rayonunun Əliqulular kəndində seçiciləri ilə görüşüb.
Lenty.az-ın məlumatına görə, görüş zamanı Əliqulular kəndinin seçiciləri tibb məntəqəsinin olmamasından şikayət ediblər. Bundan başqa, kənd məktəbinin təmirə ehtiyacı olması ilə bağlı fikirlərini bildirən sakinlər Təhsil Nazirliyinə bu barədə məlumat verilməsini xahiş ediblər. Sakinlər məktəbin idman zalının olmadığını da deyərək, müəyyən idman ləvazimatlarına da ehtiyac olduğunu vurğulayıblar.
Çingiz Qənizadə ölkədəki ictimai-siyasi durum, Azərbaycan Prezidentinin son aylarda atdığı addımlar, Dağlıq Qarabağ məsələsi barədə də fikir mübadiləsi aparıb.
Deputat kənd seçicilərin kəndlə bağlı ümumi problemlərini dinlədikdən sonra hər bir müraciətlə bağlı aidiyyatı qurumlara məlumat verəcəyini bildirərək, sakinləri fərdi qaydada qəbul edərək şikayətlərini qeyd edib.
Sonda deputat hər bir şikayəti araşdıracağına, maksimum imkanı daxilində kömək edəcəyinə söz verib.