167
11:03
07 İyun 2019

Bakı və Abşeronda rəqəmli radionun test yayımına başlanılır

Yaxın vaxtlarda Bakı və Abşeron yarımadasında rəqəmsal radionun test yayımına başlanacaq. Bunu APA -ya "Teleradio" İstehsalat Birliyindən deyiblər.
Rəqəmsal radio yayımı Avropanın DAB (Digital Audio Broadcasting) standartı ilə təşkil olunacaq.
"Test yayımı ilə bağlı 1 verici quraşdırılacaq ki, bu da qeyd olunan əraziləri qismən əhatə edəcək", - deyə "Teleradio"dan qeyd ediblər.
İstehsalat Birliyindən həmçinin bildirilib ki, hazırda ölkədə DAB texnologiyanı dəstəkləyən radioların sayı olduqca azdır. Lakin bu texnologiyanın tətbiqindən sonra onların sayının gələcəkdə artacağı gözlənilir.