Azərbaycanda növbəti oyuncaq QALMAQALI: üzü qız, bədəni oğlan kuklalar SATIŞDA

“Bu günləri şüuraltı olaraq uşaqların davranışlarına, gələcək də cinsiyyət problemlərinin formalaşmasına təsir edəcək oyuncaqların ölkəyə gətirilməsinin qarşısı alınmalıdır”.

Bu sözləri Lent.az -a açıqlamasında Azərbaycan Uşaqlar Birliyinin (AUB) sədri Kəmalə Ağazadə deyib. O bildirib ki, sözügedən oyuncağın fotosunu ilk olaraq sosial şəbəkə hesablarında paylaşıb:

“Mən insanların düşüncələrini öyrəndikdən sonra bu barədə, yəni bu cür oyuncaqların uşaqlara zərərləri, nəyə görə bunların satışı qadağan olunmalıdır suallarına aydınlıq gətirmək istədim. Cinsiyyəti tam olaraq bilinməyən oyuncaqlar istər oğlan, istərsə də qız uşaqlarının formalaşmasına mənfi təsir edir. Biz bu gün göy balina oyunu və uşaqların daha çox qapanmağa məruz qaldöğı digər oyunlardan danışırıq, ancaq bu tip oyuncaqlardan danışmırıq”.

K.Ağazadə əlavə edib ki, hazırda əksər valideynlər övladları üçün oyuncaqlar alarkən diqqət etmirlər:

“Onlar fərqinə varmırlar ki, bu uşaqlar üçün zərərlidir. Bəlkə də heç cinsiyyəti ilə maraqlanmır, geyimini soyundurub baxmırlar. Biz isə uşaqların bu barədə valideynlərinə verəcək suallara nə cavab aldıqlarını bilmirik.

Ümumilikdə, söhbət Azərbaycandan yox, dünyadan gedir ki, hazırda homo problemləri çox genişlənir. Bunun qarşısını alaraq, xüsusən də uşaqları mənfi təsirdən qorumaq lazımdır. Valideynlər isə bu məsələdə çox diqqətli olmalıdırlar”.

Qeyd edək ki, başı, üzü qız, bədəni oğlan olan oyuncaqların satışı barədə ötən aylarda da məlumat geniş yayılmış, müzakirələrə səbəb olmuşdu. Lent.az bu barədə yazı təqdim etmişdi. Həmin yazını da diqqətinizə çatdırırıq:

https://news.lent.az/news/312834