“Eurovison” təmsilçimiz Nigar Camalın maqazin proqramlarının birində həmkarı Samir Piriyevi tanımaması qalmaqala səbəb olub. Lent.az-ın məlumatına görə, S.Piriyev N.Camalın cavabını sosial şəbəkə vasitəsi ilə verib. İfaçı hənkarını yalan danışmaqda ittiham edib:
“Azərbaycanda müğənnilik edəsən və yetərincə tanınan sənətçini tanımayasan?
Yaxşı ki, bir dənə Avroviziya oldu. Eldarın yanında (Eldar Qasımov – red.) əlində bayraq qaçdı və tanındı. Yoxsa bu xanım necə məşhur olardı?
Məni Aygün Kazımova tanıyır - Azərbaycanın divası, bir nömrəli ulduzu... Nigar Camal tanımasa da olar”.
Qeyd edək ki, N.Camal “ATV maqazin onlarla” verilişinin “Hit-parad” rubrikasında Samiri tanımayıb və onu onluqdan uzalqaşdırmışdı.