Nigar Camal həmkarlarını tənqid etdi

“Eurovision” təmsilçilərimizdən olan müğənni Nigar Camal bayağı mahnılar oxuyan həmkarlarını tənqid edib.

Lent.az -ın məlumatına görə, ifaçı “ATV maqazin onlarla” verilişində bu sözləri deyib: “Ən pisi odur ki, belə mahnılar məşhur olur, insanlar qulaq asır. Əvvəl belə anormal mahnılar kasetlərdə çıxırdı, məşhur olmazdı. İndi yeni gələnlərin stili, zövqü fərqlidir. Türkiyəyə yaxın olmaq istəyirlər, amma ən pis forması alınır. Əvvəl şou-biznesdə elə mahnılar var idi, adam qulaq asırdı. Şou-biznes öldü, başa düşmürəm nə baş verir?! İnsan istəmir nəsə etsin. Ən son yaxşı işləri Aygün Kazımova etdi. Onun konserti möhtəşəm idi”.