Azərbaycanın bəzi rayonlarında və Bakıda hava şəraitinin pisləşməsi ilə əlaqədar qaz təchizatında müşahidə edilən fasilələr yaxın saatlarda aradan qaldırılacaq. Lent.az-ın Trend-ə istinadən xəbərinə görə, bunu SOCAR-ın "Azəriqaz" İstehsalat Birliyinin mətbuat xidmətinin rəhbəri İbrahim Kəlbalıyev deyib.
O bildirib: "İB-in əməkdaşları "qaynar xətt" üzrə müraciət aldığımız ərazilərdə qaz təchizatının bərpa edilməsi üzrə zəruri işlər həyata keçirirlər. Biz gücləndirilmiş rejimdə işləyirik, "qaynar xətt" fasiləsiz işləyir".