ƏN qorxulu KÖRPÜLƏR – VİDEO

Dünyanın bir çox ölkəsində maraqlı və fərqli körpülər var. Bu körpülərdə gəzmək cəsarət istəyir.

Lent.az dünyanın maraqlı və qorxulu körpülərini təqdim edir:

Asma körpü

İsveçrədə olan bu körpüdən keçmək cəsarət tələb edir. Yerdən 100 metr yüksəklikdə, Alp dağlarının hündürlüyündə yerləşən körpünün eni çox dardır və buradan yalnız bir nəfər keçə bilir. Körpünün uzunluğu 170 metrdir.

Şüşə körpü

Dünyanın ən qorxulu körpülərindən biri də Çində yerləşir. Uzunluğu 430, hündürlüyü 500 metr olan körpü ən uzun şüşə körpüdür. Çoxları şüşənin üzərində gəzməkdənsə, ətrafındakı dəmirlərdən tutub yeriməyə üstünlük verir.

Hörümçək toru

Kanadada yerləşən hörümçək toru körpüsü bir parkın içərisində inşa edilib. Yalnız körpü vasitəsilə parkı seyr edə, gəzə bilərsiniz. Eyni anda 96 filin keçə biləcəyi körpü, insan həyatı üçün təhlükəli deyil.

Hüseyini körpüsü

Pakistanda olan bu körpü çox qədim tarixə malikdir. Körpünün nə zaman hazırlandığını heç kim xatırlamır. Bir neçə qalın “tros” üzərində nazik taxta parçalarının yerləşdiyi körpü çox təhlükəlidir.

Saman körpü

Peruda olan bu körpünün tarixi qədimdir. Yerli xalq üçün müqəddəs hesab olunan bu körpü samandan hazırlanıb. Körpünü hər il burada yaşayan insanlar yeniləyir.