Böyüklər boğulur, uşaqlar xəstəlik tapır - Bu qəsəbədə nə baş verir?  - VİDEO
29 avqust 2022 17:03 (UTC +04:00)

Böyüklər boğulur, uşaqlar xəstəlik tapır - Bu qəsəbədə nə baş verir? - VİDEO

Adətən zövq almaq üçün üz tuturuq sahilə. Yay, yaz, payız, qış fərq etməz. Hər sezonu başqa olur sahilin. Dəniz təravətli, xoş mənzərəli və s. Normativlərə görə başqa cür ola da bilməz əslində. Ən azı, dünya praktikasında belə görmüşük. Azərbaycan standartlarında isə vəziyyət bir qədər fərqlidir. Məsələn, Qaradağ rayonu, Sahil qəsəbəsinin sakinləri gün üzünə çıxa bilir, gəzə də bilir, yatıb durmaqları da alınan işdir, ancaq ki, boğulurlar. Özü də istidən yox, üfunətdən.Narın Osmanova Sahil qəsəbəsinin adi sakinlərindən biri sayılardı. Ancaq mövcud durumda o və qonşularına qəhrəman sakin adı vermək daha məqsədəyğundur. İş orasındadır ki, nə az, nə çox, düz bir həftədir, bütün qəsəbə bu gündədir. Nə qapı açmaq olur, nə pəncərə. Əlli dərəcə istidə Allahdan bir nəfəslik külək də istəyə bilmirsən ki, işdir də, birdən dəniz tərəfdən ölü heyvan qoxusu gələr, olan-qalan nəfəsimiz belə kəsilər.

Bəs camaat niyə bu zülmü çəkir? Dörd bir yanı dənizlə əhatələnən qəsəbə sən demə, təmizləmə funksiyasını itirmiş kanalizasiya qurğularının qurbanına çevrilib. Düzdür, heç əvvəllər də Sahil çimərliyində üzməyə icazə verilmirdi. Zərərli maddələrin normadan artıqlığından dolayı yaxın durmaq olmurdu dənizə. Hamı uzaqdan sevirdi Xəzəri. Ancaq görünür həmin sevgi artıq platonik nifrətə çevrilib...

Lakin çimərliyə üz tutmaqla düz iş görmədiyimizi anladıq. Sahildəki təkəm-seyrəklikdən görünürdü ki, üzü Sahil qəsəbəsi tərəflərə hələ yay gəlməyib. Əvəzində yaxşı çürümüş balıqlarla rastlaşdıq.

Bəs nə etməli? Kimdir günahkar? Sakinlərin bələdçiliyi əsasında əvvəlcə “Azərsu ASC” ilə əlaqə yaratdıq. Ki, görək qəsəbə sakinləri hələ nə qədər boğulacaq bu iydən? Xoşbəxtlikdən qurumun mətbuat xidmətinin rəhbəri Anar Cəbrayıllıdan aldığımız cavab müsbət yöndə oldu...

Yaxşı, şad xəbəri aldıq deyək. Bəs nə vaxt tamamlanacaq bu proses?

Problemlə bağlı Ekologiya və Təbii Sərvətlər Nazirliyi ilə də əlaqə saxla dıq. Qurumun mətbuat xidmətinin rəhbəri İradə İbrahimova bildirdi ki, dənizin həmin sahillərindən su nümunəsi götürüb araşdıracaqlar. İnşallah.

Böyüklər boğulur, uşaqlar xəstəlik tapır

# 3963
avatar

Oxşar yazılar