Bakıda daha bir marşrut avtobusunda sürücü ilə sərnişin arasında insident yaşanıb.
Lent.az xəbər verir ki, bu dəfə sərnişin 65 yaşlı sürücünü şillə və yumruq zərbələri ilə döyüb.
Hadisə anı avtobusun təhlükəsizlik kamerasına həkk olunub.
Bakı Nəqliyyat Agentliyindən Lent.az-a verilən məlumata görə, hadisə oktyabrın 12-də saat 20:14-də “Kənan-2000”MMC-nin istismarında olan 204 nömrəli müntəzəm marşrut xətti üzrə avtobusda baş verib. Belə ki, sürücü Yaqub İbadovun idarə etdiyi 90VF933 dövlət qeydiyyat nişanlı avtobus Koroğlu Nəqliyyat Mübadilə Mərkəzindən Qala-Ramana istiqamətində hərəkət edərkən 78 nömrəli məktəbin qarşısında 3 nəfər şəxs (2 oğlan, 1 xanım) dayanacaqdan kənar avtobusa minmək istəyib. Sürücü avtobusu dayanacaqdan kənar saxlamayaraq təyin olunmuş dayanacaqda dayanıb. Vətəndaşlar sonradan avtobusa minərək dayanacaqdan kənar saxlamadığı üçün sürücü ilə mübahisə edib. Sonda videodan göründüyü kimi sərnişinlərdən 1-i sürücüyə fiziki güc tətbiq edərək xəsarət yetirir. Hadisə barəsində daşıyıcı tərəfindən polisə müraciət edilib və araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
edsdsds.jpg)
