Turist cənnət adasında pulsuz yaşadı – Bunu necə etdi?

Almaniyadan olan 27 yaşlı Sirirat Nensevicz Avstraliyanın Kvinslend sahillərində Böyük Baryer rifində yerləşən 18 hektarlıq “Balqabaq” adasında iki ay vaxt keçirib. Pulsuz mənzil müqabilində o, həftədə 24 saat təmizlik, bağçılıq və eko-kurortdakı barda müştərilərə xidmət göstərib.

Lent.az “Daily Star”a istinadən xəbər verir ki, səyahətçi hamakda və təmiz çimərliklərdə gəzməkdən zövq alıb. O aylıq xərclərini 400 dolları ilə məhdudlaşdırıb. Bu da yalnız ərzaq məhsulları və telefon hesabına kifayət edib.

"Sadəcə Avstraliyaya təyyarə bileti üçün kifayət qədər pul yığdım. Və gözəl bir adada yaşamağa müvəffəq oldum. Həftədə cəmi 24 saat işlədim və hər iki həftədə 800 dollardan çox əlavə maaş aldım. İnsanlar çox mehriban idi və orada iş və şəxsi həyat arasında böyük tarazlıq var”, - deyə turist bildirib.

Fevral ayında “The Hochschule Mittweida” moda kollecində təhsilini başa vurduqdan sonra Sirirat Almaniyanı tərk edərək Avstraliyanın Brisben şəhərinə gedib. O, 12 aya qədər etibarlı olan iş tətili vizası ilə səyahət edib və onu uzatmaq istəyib. İş axtararkən Sirirat tez-tez cənub sahillərindəki kiçik adaları araşdırıb və bu axtarışlardan birində “Google Map”da “Balqabaq” adasını kəşf edib.

May ayında, Sirirat adaya köçdükdən sonra eko-kurortda işləməyə başlayıb:

“İlk gün, digər qonaqlarla birlikdə kiçik bir qayıqla gələndə, ada çox kiçik idi və yalnız menecerlər və orada daimi yaşayan bir neçə işçilər var idi. Bütün digər qonaqlar həftədə bir dəfə qayıqla gəlirdi".

Beş gün həftədə 24 saat işləmək müqabilində Sirirat adada pulsuz yaşayış yeri alıb.