Gələn il təqdim ediləcəyi gözlənilən “iPhone SE 4”ün dizaynı ilə bağlı yeni məlumatlar ortaya çıxıb.
Lent.az xəbər verir ki, qoruyucu qutu istehsalçıları smartfonun metal maketlərini əldə ediblər və onların əsasında aksesuarlar hazırlayıblar.
Görüntülərə əsasən, telefonun ekranında ön kamera və Face ID sisteminin sensorları üçün adi “çəntik” kəsikləri olacaq. Amma Touch ID barmaq izinin tanınması texnologiyası artıq smartfonlarda mövcud olmayacaq.
Arxa tərəfdə yalnız bir kamera olacaq. Orta çərçivənin dizaynı “iPhone 13” və “iPhone 14” seriyalı cihazların dizaynına bənzəyir. Səs düymələrinin üstündə səssizlik düyməsi üçün də dəlik var.
Məlumatlara görə, “iPhone SE 4” 6,1 düymlük çəntikli ekranla gələcək. Ekran Çin şirkəti BOE tərəfindən təmin ediləcək .
Telefonun 2025-ci ildə təqdim ediləcəyi gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
