Müdafiə naziri, general-polkovnik Zakir Həsənov həmrəylik günü münasibətilə şəxsi heyətə təbrik məktubu ünvanlayıb.
Lent.az-ın məlumatına görə, təbrikdə deyilir:
"Cənab zabitlər, yoldaş gizirlər, miçmanlar, kursantlar, çavuşlar, əsgərlər, matroslar və mülki işçilər!
Sizi Dünya Azərbaycanlılarının Həmrəyliyi Günü və Yeni il bayramı münasibətilə ürəkdən təbrik edir, hamınıza möhkəm cansağlığı, şərəfli xidmətinizdə uğurlar arzulayıram.
Ümummilli lider Heydər Əliyevin qətiyyətli və uzaqgörən siyasəti nəticəsində dövlətimizin iqtisadi dayaqları formalaşdırılaraq, müstəqilliyimiz əbədi və dönməz olmuşdur. Eyni zamanda, xalqımızın milli mənlik şüurunun formalaşmasına və dünya azərbaycanlılarının həmrəyliyinin təmin olunmasına Ulu Öndər əvəzsiz töhfələr bəxş etmişdir. Hazırda layiqincə davam etdirilən bu siyasət nəticəsində Prezident, Silahlı Qüvvələrin Ali Baş Komandanı İlham Əliyev tərəfindən dövlətçiliyimizin inkişafı naminə məqsədyönlü islahatlar həyata keçirilir.
Dövlətimizin inkişafında prioritet istiqamətlərdən hesab edilən ordumuzun hərbi qüdrətinin daha da artırılması məqsədilə atılan addımlar həyata keçirilən bu islahatların əsas tərkib hissələrindəndir. Möhtərəm Prezidentimiz cənab İlham Əliyevin rəhbərliyi altında dövlət və ordu quruculuğu istiqamətində görülən mühüm işlər sayəsində Azərbaycanın dünyada nüfuzu gündən-günə artaraq, xalq-dövlət-ordu birliyi daha da möhkəmlənibdir.
Müzəffər Ali Baş Komandanın rəhbərliyi altında erməni silahlı birləşmələrinin törətdiyi təxribatlara qarşı ordumuzun başladığı uğurlu əks-hücum əməliyyatlarında - 44 günlük Vətən müharibəsində hərbi qulluqçularımızın göstərdiyi qəhrəmanlıqlar, şücaətlər sayəsində 30 ilə yaxın düşmən işğalında qalan tarixi torpaqlarımız azad edildi. Ali Baş Komandanın müdrik siyasəti və ordumuzun gücü sayəsində Azərbaycanın ərazi bütövlüyü bərpa olundu. Bu gün rəşadətli Azərbaycan Ordusunun işğaldan azad etdiyi torpaqlarda üçrəngli bayrağımız əzəmətlə dalğalanır. Dekabrın 10-da Azadlıq meydanında Vətən müharibəsində Böyük Qələbəyə həsr olunmuş möhtəşəm Zəfər paradı müzəffər Ali Baş Komandan İlham Əliyevin rəhbərliyi altında gündən-günə qüdrətlənən Azərbaycan Ordusunun yenilməzliyinin bir daha təsdiqidir.
Vətənimizin müstəqilliyinin, ərazi bötövlüyünün qorunması naminə canlarından keçən bütün şəhidlərimizin xatirəsini hörmət və ehtiramla yad edir, onların valideynlərini, ailələrini, Vətən uğrunda sağlamlığını itirən döyüşçülərimizi, veteranları, şəxsi heyəti bayramlar münasibətilə təbrik edir, onlara möhkəm cansağlığı, xoşbəxtlik və ailə səadəti arzulayıram.
Hərbi anda sədaqətə, çətin və şərəfli hərbi xidmətdə fədakarlığa görə hər birinizə minnətdarlığımı bildirirəm.
Bayramınız mübarək olsun!".
![Zakir Həsənov şəxsi heyəti təbrik etdi](https://lent.az/storage/news/2020/december/30/big/5fec113b1e9b55fec113b1e9b616093064275fec113b1e9b35fec113b1e9b4.jpg)
Zakir Həsənov şəxsi heyəti təbrik etdi
![avatar](/storage/authors/46742033_Lent.az - Facebook profile picture.png)
Oxşar yazılar
![Ədliyyə Nazirliyində YENİ TƏYİNATLAR](https://lent.az/storage/news/2024/july/03/big/6684ef53896ec6684ef53896ee17199880516684ef538969a6684ef53896e2.jpeg)
Ədliyyə Nazirliyində YENİ TƏYİNATLAR
3 iyul 2024 , 10:27![Bu rayonlarda şimşək çaxıb, leysan yağıb - FAKTİKİ HAVA](https://lent.az/storage/news/2024/july/03/big/6684e7df4dbd56684e7df4dbd617199861436684e7df4dbd06684e7df4dbd2.jpg)
Bu rayonlarda şimşək çaxıb, leysan yağıb - FAKTİKİ HAVA
3 iyul 2024 , 09:54![Magistraturaya qəbul nəticələri elan olunub](https://lent.az/storage/news/2024/july/02/big/668420af058b2668420af058b41719935151668420af058aa668420af058ae.jpeg)
Magistraturaya qəbul nəticələri elan olunub
2 iyul 2024 , 19:44![İyulda gözlənilən maqnit qasırğaları: Nə vaxt olacaq?](https://lent.az/storage/news/2024/july/02/big/6683cd9bcb8396683cd9bcb83b17199138836683cd9bcb8336683cd9bcb836.jpg)
İyulda gözlənilən maqnit qasırğaları: Nə vaxt olacaq?
2 iyul 2024 , 18:25![Medianın COP29-da iştirakı üçün akkreditasiya portalı istifadəyə verildi](https://lent.az/storage/news/2024/july/02/big/6684050507ecb6684050507ecc17199280696684050507ec56684050507ec8.jpg)
Medianın COP29-da iştirakı üçün akkreditasiya portalı istifadəyə verildi
2 iyul 2024 , 17:48Bu rayonlara leysan yağır - FAKTİKİ HAVA
2 iyul 2024 , 16:40![Sabah çimərliklərdə hava necə olacaq? - PROQNOZ](https://lent.az/storage/news/2024/july/02/big/6683bf6f3bc596683bf6f3bc5b17199102556683bf6f3bc546683bf6f3bc57.jpg)
Sabah çimərliklərdə hava necə olacaq? - PROQNOZ
2 iyul 2024 , 15:23![Meteohəssas insanlar üçün PROQNOZ](https://lent.az/storage/news/2024/july/02/big/6683beef7998d6683beef7998e17199101276683beef799896683beef7998b.jpg)