Yanvarın 9-u axşam saatlarından etibarən Azərbaycanın bir sıra rayonlarına qar yağır. “Azəryolservis” ASC-dən Lent.az-a bildirilib ki, Bakı-Qazax magistralının Gəncə-Qazax hissəsinə 5-10, Gəncə-Daşkəsən yoluna 20, Şəmkir Gədəbəy yoluna isə 20-25 santimetr qar düşüb. Həmin yollar cəmiyyətin texnikalarının köməyi ilə gecə saatlarından mühafizəyə götürülüb və yolun bağlanmasına, hərəkətin çətinləşməsinə səbəb ola biləcək hal yaranmayıb.
Bundan başqa Ələt-Astara, Bakı-Rusiya sərhədi, Şamaxı-İsmayıllı yolları da açıqdır. Həmin yollarda lazımı qədər texnika və digər materiallar toplanıb.
“Azəryolservis ASC” sürücülərdən nəqliyyat vasitələrinə qış iqlim normalarına uyğun vəziyyətə gətirmələrini xahiş edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
