Son günlər avtomagistrallarda Azərbaycanın işğal olunmuş rayonlarına qədər olan məsafəni əks etdirən məlumatverici lövhələr quraşdırılır. "Azəryolservis" ASC-nin mətbuat katibi Pünhan Mürsəliyev Lent.az-a bildirib ki, bu aydan başlayaraq, Bakı dairəvi avtomobil yolunda, Bakı-Ələt-Qazax-Gürcüstan sərhədi magistralının avtomobil yolunun müxtəlif hissələrində işğal olunmuş rayonlar və həmin rayonlara qədər məsafələri göstərən lövhələr quraşdırılıb.
Bakı-Qazax yolunun 70, 71, 130, 140, 150, 170, 200-cü kilometrliyində, həmin yolun Yevlax-Gəncə və digər hissələrində belə lövhələr qoyulub. P.Mürsəliyev qeyd edib ki, Bir neçə ay əvvəl el arasında Yevlax-Bərdə yolu kimi tanınan Yevlax-Xocalı-Laçın yolu yenidən qurulandan sonra həmin yolda belə lövhələr qoyulub.
Yaxın gələcəkdə digər magistrallarda da belə məlumatverici lövhələrin qoyulması nəzərdə tutulur.
Yollardakı yeni məlumat lövhələri ilə bağlı rəsmi açıqlama
2566