Təkcə istedad kifayət etmir, əsas rolu insanın göstərdiyi səylər oynayır. Hər kəs uğurlu olmağa çalışır və biz çox vaxt zirvəyə qalxan insanların sirrini axtarırıq. Bəziləri düşünür ki, uğurlular xüsusi istedada malikdir, amma bu, tam belə deyil.
Lent.az xarici mediaya istinadla xəbər verir ki, psixoloq Anjela Dakvort Mel Robbinsin podkastında bildirib ki, bütün uğurlu insanları birləşdirən əsas xüsusiyyət qətiyyət və dözümlülükdür və bu keyfiyyətə hər kəs yiyələnə bilər.
Psixoloqun sözlərinə görə, zirvəyə çatan insanlar illərlə sevdikləri işə sadiq qalmağı bacarırlar. Bu, ehtirasla bağlıdır. Amma dözümlülük daha çətin işdir, çünki bu, hələ tam bacarmadığın bir işi davamlı şəkildə təkmilləşdirmək qabiliyyətidir.
“Dözümlülük o deməkdir ki, pis günlərdə belə yenidən qalxa bilirsənmi? Əgər uzunmüddətli məqsədlərə qarşı ehtirası, bu məqsədlərə çatmaqda inadla birləşdirə bilirsənsə, deməli, sən mənim araşdırdığım hər sahədə uğurun əsas açarı olan xüsusiyyətə sahibsən,” – deyə Dakvort izah edib.
O, əlavə edib ki, bu xüsusiyyəti inkişaf etdirmək və gündəlik həyat tərzinə daxil etmək mümkündür. İstedad əladır, amma səylə dəstəklənməsə, heç nəyə gətirib çıxarmır.
“Uğurun təkcə istedaddan asılı olmadığını anlamaq insana güc verir. Həqiqi istedada malik insanlar nadir hallarda təkcə ona güvənirlər – onlar həm də səbir və əzmkarlığa malik olurlar. Bu, həvəs azaldıqda və ya vəziyyət qeyri-müəyyən olduqda da irəliləmək bacarığıdır. Uğur bir gecədə gəlmir – məqsədə çatmaq üçün daim çalışmaq lazımdır,” – deyə məqalədə vurğulanır.
Əsl uğur qazanan insanlar təslim olmurlar və həmişə yenidən cəhd edirlər. Çünki etdikləri iş onlar üçün o qədər önəmlidir ki, dayanmaq sadəcə seçim deyil.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
