Ötən il ən çox ölümə səbəb olan XƏSTƏLİKLƏR

Ümumdünya Səhiyyə Təşkilatı ötən il ölüm hallarının daha çox hansı xəstəliklərdən baş verdiyini açıqlayıb.

Lent.az Türkiyə mətbuatına istinadən xəbər verir ki, siyahıda ilk yeri ürək xəstəlikləri tutur. Ürək xəstəlikləri son 20 ildir başlıca ölüm səbəbidir.

2019-cu ilə koronavirus pandemiyası damğasını vurub. Xəstəlikdən ölənlərin sayı 1,5 milyonu ötüb.

ÜST-ün açıqladığı siyahıda ilk onluqda duran xəstəliklərdən, sadəcə 3-ü yoluxucudur. Yəni, dünyada ölümə ən çox səbəb olan xəstəliklər əsasən yoluxucu olmayan xəstəliklərdir.

Beləliklə, ötən il vəfat edən 55,4 milyon insanın əsas ölüm səbələri hansılardır?

Qeyd etdiyimiz kimi, ən çox ölüm ürək xəstəliklərindən, əsasən də ürəyin işemik xəstəliyindən baş verib.

Baş-beyin damarlarının xəstəlikləri də ölüm səbəbləri arasında ilk yerlərdədir.

Daha sonra tənəffüs yolları, ağciyər xəstəliklərindən baş verən ölümlər var.

Perinatal doğumlar, doğuş travmasından ölümlər də siyahıda ilk yerlərdədir.

Koronavirusdan öncəki yoluxucu xəstəliklərdən ölüm faizi dünya üzrə azalsa da, yenə də sətəlcəm və aşağı tənəffüs yolları infeksiyaları ən ölümcül yoluxucu xəstəliklər arasında ölüm səbəbi kimi 4-cü sırada yer aldı.

Bundan başqa, ötən il alzaymer və bu tipli xəstəlikdən ölənlərin sayı da bir milyon artıb. Şəkər xəstəliyi də 2000-ci ildən bu tərəfə 70 faizlik artımla 10 ən çox ölüm gətirən xəstəliklərin siyahısına daxil olub. Böyrək xəstəlikləri də ölüm səbəbi olan xəstəliklərin siyahısında 13-dən 10-cu sıraya daxil olub.

Bu xəstəlikdən 2000-ci ildə ölənlərin sayı 813 min, ötən il isə 1,3 milyon olub. QİÇS xəstəliyi ölüm səbəbləri arasında 8-ci yerdən 19-cu yerə yüksəlib. Səbəb inkişaf etmiş müalicələrdir.
Vərəm xəstəliyindən ölənlərin də sayı azalıb. Xəstəlik 2000-ci ildə ölüm səbəbləri arasında 7-ci olsa da, ötən il 13-cü sıraya geriləyib.