Son dövrlərdə mübarizə apardığımız koronavirusun bilinən şikayətlərindən olan nəfəs darlığı, bir sıra başqa ciddi xəstəliklərin də göstəricisi ola bilər.
Lent.az Türkiyə mətbuatına istinadən xəbər verir ki, tənəffüs yolları xəstəlikləri üzrə mütəxəssis Handə İkitimur nəfəs çatışmazlığı və bunu yaradan səbəblərlə bağlı məlumat verib.
O bildirib ki, nəfəs darlığı sadəcə, astma kimi tənəffüs sisteminin xəstəliyi deyil, bu, ürək xəstəliklərindən, qan azlığından və qan xəstəliklərindən, əzələ zəifliyi ilə özünü göstərən nevroloji xəstəliklərdən də qaynaqlana bilir.
O bildirib ki, nəfəs alıb vermək beyin tərəfindən həyata keçirilən qeyri-ixtiyari bir prosesdir:
"İnsanın nəfəs alıb-verdiyinin fərqində olması nəfəs darlığının işarəsi ola və gizlində qalan bir çox xəstəlikdən baş verə bilər".
Mütəxəssis bildirib ki, bu hallar varsa, xəstə hərtərəfli müayinə olunmalı, problemin xəstəliklərdən və ya nevroloji olub-olmadığı aydınlaşdırılmalıdır, bundan sonra isə uyğun müalicə tətbiq olunmalıdır:
“Qəflətən başlayan nəfəs darlığı və xırıltı astma və ürək çatışmazlığının əlaməti ola bilər.
Çox sürətli inkişaf edən nəfəs darlığı və sinə ağrısı nəfəs borusuna yad cismin düşmə ehtimalını, ya da insanın infarkt keçirdiyini göstərir.
Yavaş inkişaf edən nəfəs darlığı daha çox tənəffüs sistemi xəstəliklərində baş verir”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
