Koronavirusdan sonra qoxu bilməni necə qaytarmalı? - Nevroloq DANIŞIR

"Tədqiqatçılar bildirir ki, COVID-19 keçirən insanlarda xarakterik əlamətlər arasında qoxubilmənin itirilməsinə (anoamiya) çox rast gəlinir və bu əlamət xəstəliyin erkən mərhələsində üzə çıxır".

Lent.az xəbər verir ki, bunu nevroloq Pərviz Axundov deyib. O bildirib ki, əksər halda ilk 4 həftə ərzində iybilmə bərpa olunsa da, bəzən bir neçə aya qədər uzana bilir: "İngilis alimləri sübut edibər ki, qoxubilmənin uzunmüddətli itirilməsi, emosinal stressə və psixi narahatlıqlara səbəb olur. Sosial şəbəkələrdə 9000 nəfər üzərində aparılan sorğu anosmiyanın həyat keyfiyyətinə və insanların psixoloji durumuna ciddi təsir etdiyini də göstərib. Eyni zamanda, qoxubilmənin pozulması qidalanma zamanı köhnəlmiş qidaları iyinə görə ayırmağı çətinləşdirir. Belə insanlara qida zəhərlənmələrinə yol verməmək üçün məhsulları istifadə edərkən, son istifadə tarixinə baxmaq tövsiyyə edilir".

Nevroloq qoxubilmənin nə üçün itməsi sualına cavab da verib. O qeyd edib ki, qoxubilmənin itirilməsi, COVID-19 ilə yanaşı, igər virus infeksiyalarında, o cümlədən, koronavirusların digər növlərində, rinoviruslarda, qrip viruslarında, Epşteyn-Bar virus infeksiyasında da rast gəlinir: "Histopatoloji olaraq öyrənilib COVID-19 törədicisi, qoxu yarıqlarının neyroepitelindən daxil olaraq, qoxu soğanağına çatır və ordan mərkəzi sinir sisteminə keçə bilir.

Belçika tədqiqatçıları müxtəlif vasitələrin COVID-19 zamanı anosmiyaya olan təsirin öyəniblər və aşkarlayıblar ki, müalicə üçün natrium sitrat - limon turşusunun duzu effektivdir. Eyni zamanda, qoxularla məşqin effektivliyi vurğulayıblar. COVID-19 ilə bağlı anosmiyası olanlara məsləhət edilir ki, qoxu sistemlərin məşq etdirsinlər, başqa sözlə, yenidən qoxuları fərqləndirməyə öyrənməyə başlamaq faydalıdır. Metodlardan biri beyinin qoxu epiteli və qoxu traktında mövcud zədələnməni kompensasiya etməsidir. Tədqiqat Drezden Univetsitetində 153 tam və hissəvi anosmiya problemi olan pasiyent üzərində aparılıb. Bir neçə ay gündə iki dəfə, hərəsi 15 saniyə olmaqla, 4 fərqli qoxu ilə nəfəs alıblar və onları yadda saxlamağa çalışıblar. Bunun üçün birkomponentli vasitələrdən- qızılgül, qərənfil, limon, lavanda, evkalipt və s. istifadə edilib. Tədqiqat məşqin effektiv olduğunu göstərib".