III ixtisas qrupunda  DƏYİŞİKLİK:   Coğrafiya fənni əlavə ediləcək? - AÇIQLAMA
10 sentyabr 2021 11:33 (UTC +04:00)

III ixtisas qrupunda DƏYİŞİKLİK: Coğrafiya fənni əlavə ediləcək? - AÇIQLAMA

Məlum olduğu kimi, II ixtisas qrupunda “Beynəlxalq münasibətlər” və "Regionşünaslıq (regionlar üzrə)” ixtisasları ləğv edilərək III ixtisas qrupuna keçirilib.

Lent.az-ın suallarını cavablayan təhsil eksperti Kamran Əsədov bildirib ki, sözügedən ixtisaslar əvvəlcədən III ixtisas qrupunda olub, 2009-2010-cu illərdə isə II qrupa keçirilib:

Təhsil eksperti Kamran Əsədov

“İndi bəzi şəxslər düşünür və təkif edir ki, III ixtisas qrupuna Coğrafiya fənni əlavə edilsin. Coğrafiya fənni 6-cı sinifdən başlayaraq orta məktəblərdə tədris edilir. Məsələn, I ixtisas qrupunda “Komputer mühəndisliyi”, “Komputer elmləri”, “İnformasiya texnologiyaları” və s. ixtisaslar yer alıb, ancaq imtahanda İnformatika fənni yoxdur. Bunun olmaması isə problem yaratmır. Düşünürəm ki, Coğrafiya fənninin də olması problem yaratmaz. Buna səbəb isə sözügedən ixtisasların diplomatic fəaliyyəti özündə əks etdirməsidir. Həmin ixtisasları bitirən məzunlar ölkələr arasında münasibətləri və onun tarixini bilməlidir. Daha o ölkənin iqlimini, torpaq quruluşunu və s. kimi dərindən öyrənməli deyil”.

K.Əsədov əlavə edib ki, “Beynəlxalq münasibətlər” və “Regionşünaslıq” ixtisasları II qrupda olanda balları 150-200-ə düşüb, hətta plan yerləri boş qalıb:

“Sözügedən ixtisaslar III ixtisas qrupunda olanda isə ora yüksək balla daxil olurdular. Onu da qeyd edim ki, dəyişiklik II ixtisas qrupu üzrə plan yerlərinin azalmasına, III ixtisas qrupu üzrə isə əksinə, qəbul plan yerlərinin artırılmasına gətirib çıxaracaq:”.

# 18249
avatar

Hicranə Əlişqızı

Oxşar yazılar