Bu hərəkətlər digər sürücüləri ÇOX BEZDİRİR – 3 SƏHV

Bəzi təcrübəsiz və ya təkəbbürlü sürücülər nəqliyyat vasitəsini idarə edərkən digər sürücülərin ciddi qıcıqlanmasına səbəb olan hərəkətlər edirlər. Bu manevrlər təkcə münaqişəli vəziyyət yaratmaqla kifayətlənmir. Başqa bir mənfi məqam isə qəzaya düşmə riskidir. Yəni bu hərəkətlər yol-nəqliyyat vəziyyətini daha təhlükəli edir.

Lent.az avtomobil sürərkən çəkinməli olduğunuz manevrləri təqdim edir:

Yol kənarında ötmə

Böyük şəhərlərdə bəzi sürücülər tez-tez tıxaclardan qaçmaq arzusunda olurlar. Nəticədə onlar yolun kənarına, hətta səkiyə çıxmağa qərar verirlər. Belə manevr “sürücülük etiketinin” ciddi pozulması hesab olunur. Bundan əlavə, bu hərəkət yol hərəkəti qaydalarının pozulmasıdır.

Məsafə saxlamamaq

Svetoforda və ya dayanacaqda dayanan avtomobillər arasında müəyyən məsafə olmalıdır. Əks halda, təsadüfən toqquşma və ya avtomobilin kosmetik görünüşünə zərər vermə riski çox yüksək olacaq.

Təcrübəli sürücüləri yolda və dayanacaqda məsafəni saxlamayan həmkarları ciddi qıcıqlandırır.

Yüksək sürət

Sürət həddini aşan sürücülər heç də həmişə cərimələnmir. Axı, məsuliyyət yalnız göstərici müəyyən səviyyədə aşılanda yaranır. Bəzi təcrübəsiz sürücülər bundan istifadə edir və tez-tez cərimə ödəməmək üçün sürət həddini ona uyğun aşırlar.

Təcrübəli sürücülər isə bu davranışı heç xoşlamır. Axı sürət həddinə ancaq cərimələnməmək üçün fikir vermək yanlışdır.