Bakıda sıxlıq azalacaq - yeni yol çəkilir
02 may 2024 17:36 (UTC +04:00)

Bakıda sıxlıq azalacaq - yeni yol çəkilir

Bakı şəhərinin perspektiv inkişafı nəzərə alınmaqla Azərbaycan Avtomobil Yolları Dövlət Agentliyi tərəfindən Həsən Əliyev küçəsindən Ziya Bünyadov prospektinə paralel olaraq "Koroğlu" metro stansiyasına qədər yeni avtomobil yolunun tikintisinə start verilir. 

AAYDA-dan Lent.az-a verilən xəbərə görə, layihənin xüsusi dövlət əhəmiyyəti nəzərə alınmaqla Heydər Əliyev prospektində və Ziya Bünyadov prospektində nəqliyyat vasitələrinin sıxlığının azaldılması və hərəkətin təhlükəsizliyinin təmin edilməsi nəzərdə tutulur. 

Sözügedən layihə çərçivəsində yol hərəkətinin təşkilinin texniki xarakteristikalarının qısa analizinin nəticələri nəzərə alınaraq, ərazidə nəqliyyat problemlərinin əsaslı həlli, əsas nəqliyyat yollarının birbaşa əlaqələndirilməsi, mühüm nəqliyyat funksiyasını yerinə yetirən yollar üzrə optimal birləşmənin təmin edilməsi və alternativ marşrutların yaradılması, habelə ərazidəki nəqliyyat yollarının məntiqi birləşməsinin təmin edilməsi, ərazinin küçə-yol şəbəkəsinin nəqliyyat planlaşdırma sxeminin tamamlanması məqsədilə layihənin icra edilməsi mütləq olaraq məqsədəuyğun hesab edilir.

Layihənin əsas üstünlükləri Həsən Əliyev küçəsinin davamı olaraq Yusif Vəzir Çəmənzəmənli küçəsinə düzxətli davam etməklə şərq hissədə Ələsgər Qayıbov və Xəlil Rza Ulutürk küçələrinə birləşdirilməsi nəticəsində Təbriz küçəsi ilə Ağa Nemətulla və Əhməd Rəcəbli küçələrinin kəsişmələrində və "Nərimanov" metro stansiyası ətrafında müşahidə olunan nəqliyyat sıxlığı azalmış olacaq, habelə "Gənclik" və "Nərimanov" metro stansiyaları ətrafındakı ərazilərdən "Koroğlu" metro stansiyası istiqamətində hərəkət edən nəqliyyat vasitələrinin fasiləsiz yerdəyişmələrinin təmin edilməsinə şərait yaradılmış olacaqdır.

Eyni zamanda, qeyd edilən yeni yol birləşməsinin yaradılması nəticəsində "Gənclik" və "Nərimanov" metro stansiyaları ətrafındakı ərazilərdən "Koroğlu" metro stansiyası istiqamətində və yaxud əks istiqamətlər üzrə Heydər Əliyev prospekti vasitəsilə yerinə yetirilən nəqliyyat yerdəyişmələrinin azalması və Heydər Əliyev prospektinə alternativ hərəkət marşurutunun yaradılması hesabına Hedər Əliyev prospektinin yan yolu üzrə müşahidə olunan tıxac hallarının minimumlaşdırılması təmin ediləcək. 

Həmçinin, qeyd edilən birləşməsinin yaradılması nəticəsində şəhərin şərq və mərkəzi qərb periferiyaları arasında Heydər Əliyev və Ziya Bünyadov prospektlərinə paralel və həmin prospektlərin mərkəzi aralığında yerləşən yeni yaşayış massivlərinə alternativ birbaşa nəqliyyat bağlantısının yaradılması təmin ediləcək. 

 - Yolun ümumi uzunluğu: 3896 metr
  - Yolun dərəcəsi: şəhər əhəmiyyətli magistral küçə
  - Hərəkət zolağının sayı: 6 zolaqlı
  - Hərəkət zolaqlarının eni: 3.5 m
  - Tunellərin sayı: 4 ədəd 
  - Yeraltı piyada keçidlərinin sayı: 3 ədəd

Hazırda "Ulduz" metrosundan Ələsgər Qayıbov küçəsi istiqamətində mobilizasiya (ağır texnikanın və avadanlıqların əraziyə daşınması) işləri yerinə yetirilir. 

Qeyd edək ki, Layihə İdarəetmə Qrupu tərəfindən tikinti altına düşən yaşayış və qeyri yaşayış obyektlərinin, həmçinin torpaq sahələrinin ölçüləri hazırlanır və tikinti altına düşən maneələrin ilkin qiymətləndirilməsi işləri yerinə yetirilir.

1 2 3 4 5 İDMAN XƏBƏRLƏRİ
# 11091
avatar

Oxşar yazılar

Bakı metrosunda qatarlar yubandı

Bakı metrosunda qatarlar yubandı

16 iyul 2024 , 09:17
Bakıda bu yollarda sıxlıq var - SİYAHI

Bakıda bu yollarda sıxlıq var - SİYAHI

16 iyul 2024 , 08:36
Prezidentin açılışını etdiyi parkdan FOTOREPORTAJ

Prezidentin açılışını etdiyi parkdan FOTOREPORTAJ

15 iyul 2024 , 17:18
Bakının bu rayonunda su kəsiləcək

Bakının bu rayonunda su kəsiləcək

15 iyul 2024 , 16:36
Sabah isti diskomfort hava şəraiti – Bu insanlara TƏHLÜKƏLİDİR

Sabah isti diskomfort hava şəraiti – Bu insanlara TƏHLÜKƏLİDİR

15 iyul 2024 , 16:13
Hövsanda podratçı şirkət qaydaları POZDU

Hövsanda podratçı şirkət qaydaları POZDU

15 iyul 2024 , 15:53
Sabah çimərliyə getmək istəyənlərin DİQQƏTİNƏ

Sabah çimərliyə getmək istəyənlərin DİQQƏTİNƏ

15 iyul 2024 , 13:50
Səyyad Salahlı və Siyavuş Heydərov işdən çıxarıldı

Səyyad Salahlı və Siyavuş Heydərov işdən çıxarıldı

15 iyul 2024 , 13:08