İki təşkilat Nazirlər Kabinetinə müraciət etdi

“Konstitusiya” Araşdırmalar Fondu və Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsi Nazirlər Kabinetinə müraciət edib. Lent.az-ın məlumatına görə, fond və şəbəkə “Elektrik enerjisindən istifadə Qaydaları”nın layihəsi ilə bağlı təkliflərini təqdim edib və yeni qaydaların hazırlanmsı ilə bağlı geniş ictimai müzakirələrin keçirilməsini təklifini irəli sürüb.

Müraciətdə bildirilir ki, “Elektrik enerjisindən istifadə Qaydaları”nın hazırlanması Azərbaycan Respublikasının hər bir vətəndaşının maraq və mənafelərinə aid olan məsələdir: “Bu baxımdan “Elektrik enerjisindən istifadə Qaydaları” layihəsinin hazırlanması prosesi şəffaf olmalıdır, bu qaydaların hazırlanması ilə bağlı bütün maraqlı tərəflərin, dövlət qurumlarının, təchizatçı qurumların iştirakı ilə geniş ictimai müzakirələrin keçirilməsi çox faydalı və ümumi işin xeyrinə olardı”.