Tələbə adı qazananların qeydiyyatı başlandı
08 avqust 2011 11:56 (UTC +04:00)

Tələbə adı qazananların qeydiyyatı başlandı

Lent.az-ın məlumatına görə, bu gündən etibarən ali məktəblərə qəbul olunan şəxslərin qeydiyyatı başlayır.

Tələbə adı qazanan keçmiş abituriyentlər öz sənədlərini avqustun 18-dək qəbul olunduqları ali təhsil müəssisələrinə təqdim edə bilərlər.

Xatırladaq ki, avqustun 18-ədək qeydiyyatdan keçməmək abituriyentin müvafiq ixtisasa yerləşdirilməsindən imtinası kimi qiymətləndiriləcək. Bu halda, onun qəbul haqqında əmri ali məktəbə göndərilməyəcək.

Qeyd edək ki, bu il ali məktəblərə ayrılmış 31419 plan yerinə 29332 abituriyent qəbul olub. İlk yerləşdirmə mərhələsində qəbul planı 93,36 % dolub.

Anar GƏRAYLI
1 2 3 4 5 İDMAN XƏBƏRLƏRİ
# 486

Oxşar yazılar