Ali məktəblərə yerləşdirmənin nəticələri sabah elan olunacaq

2011/2012-ci tədris ili üçün Azərbaycan Respublikasının ali təhsil müəssisələrinə keçirilmiş qəbul imtahanlarının nəticələrinə əsasən müsabiqə şərtlərini ödəyən abituriyentlər 2011-ci il iyulun 22-dən avqustun 2-dək (saat 00:00-dək) internet vasitəsilə ixtisas seçimi ediblər.

Tələbə Qəbulu üzrə Dövlət Komitəsinin mətbuat xidmətindən Lent.az-a verilən məlumata görə, bu mərhələdə abituriyentlər qəbul olmaq istədikləri ixtisasları seçib onların kodlarını “Abituriyentin elektron ixtisas seçimi ərizəsi”nə daxil edərək, ixtisas seçimi ərizələrini təsdiqləyiblər.

Aşağıdakı cədvəldə ixtisas seçimi ərizəsini təsdiqləmiş abituriyentlərin sayına dair ilkin statistik məlumatlar təqdim olunur:

Bölmə və ixtisas qrupları üzrə təsdiqlənmiş elektron ərizələrin sayı haqqında məlumat

	İxtisas qrupları
Bölmə	I qrup	II qrup	III qrup	IV qrup	Cəmi
Azərbaycan	8324	8224	8002	3762	28312
Rus	1193	1229	1362	465	4249
Cəmi	9517	9453	9364	4227	32561

Qeyd edək ki, I ixtisas qrupu üzrə 9818, II qrupda 9645, III qrupda 9720, IV qrupda 4988 nəfərin, ümumilikdə 34171 abituriyentin müsabiqədə iştirak hüququ var idi. Beləliklə, onlardan 32561 nəfəri ixtisas seçimi ərizəsini təsdiq ediblər.

Ali təhsil müəssisələrinə yerləşdirmənin nəticələrinin avqustun 4-də elan olunması nəzərdə tutulur.