Gənclər ahıllara gün verdilər

Lent.az-ın məlumatına görə, tədbiri Bakı şəhər Gənclər və İdman Baş İdarəsi təşkil edib.

Tədbiri giriş nitqi ilə Bakı şəhər Gənclər və İdman Baş İdarəsinin rəis müavini Aydın Yusifov açdı. O, qocalara həyatlarının bu çağında hüzur və sakit həyat arzuladı: “Əziz analar-bacılar, atalar-qardaşlar, biz bu gün bir daha şahid olduq ki, sizin heç bir çatışmazlığınız, ehtiyacınız yoxdur. Bütün sahələr kimi yaşlı nəslə qayğı da ölkə başçısı cənab İlham Əliyevin diqqət mərkəzindədir. Arzu edirəm ki, həyatınızda daha heç bir çətinliklə qarşılaşmayasınız”.

Daha sonra tədbir konsert proqramı ilə davam edib. Xalq artisti Bilal Əliyev, əməkdar artistlər Gülyanaq və Gülyaz Məmmədovalar, Elza Seyidcahan eləcə də, xalq artisti Kamil Vəzirovun başçılıq etdiyi ansambl pansionatın sakinlərinə xoş əhval bəxş edib.

Qocalar üçün konsert vaxtı gözəl süfrə də açılmışdı.

Qeyd edək ki, əmək və müharibə əlilləri üçün pansionatın təxminən 200 sakini var.

Nizam Rza