10 gündə 1 milyona yaxın adam müayinədən keçib

Bu barədə Lent.az-a Səhiyyə Nazirliyinin mətbuat xidmətindən məlumat verilib.

Dekabrın 1-dən etibarən 10 gün ərzində respublika üzrə müalicə-profilaktika müəssisələrində terapevt, cərrah, nevropatoloq, pediatr, infeksionist, mama-ginekoloq, oftalmoloq və s. mütəxəssisləri tərəfindən əhalinin tibbi müayinəsi, o cümlədən laboratoriya analizləri, ultrasəs müayinəsi, elektrokardioqrafiya müayinələri aparılıb.

Ümumilikdə, 987885 nəfər müayinə olunub, onlardan 226821 nəfəri Bakının, 761064 nəfəri isə rayonların payına düşür. Müayinə olunanların 490933 nəfəri 17 yaşa qədər olan uşaqlardır.

Müayinələr zamanı müxtəlif xəstəlikləri aşkar olunmuş insanlar mütəxəssislər tərəfindən müxtəlif profilli stasionar və ambulator müalicələrə cəlb edilib.

Sağlamlıq aylığı çərçivəsində aparılan profilaktik müayinələr dekabr ayının sonunadək davam edəcək.