Bir çox insan saçların tez yağlanmasından şikayət edir. Hətta hər gün və ya günaşırı yumaq məcburiyyəti olur. Lakin peşəkar saç ustalarının və trixoloqların sirrinə görə, şampuna sadə təbii maddələr əlavə etməklə saçlar 5-7 günadək təravətli və həcimli qala, həmçinin daha sürətlə uzana bilər.
Lent.az bu barədə xarici mediaya istinadla ətraflı məlumat verir.
1. Rozmarin efir yağı - saç uzanmasının təbii stimulyatoru
Rozmarin saç köklərinə “enerji verir”, qan dövranını yaxşılaşdırır, yatmış follikulları oyadır və saçın uzanmasını sürətləndirir.
100 millilitr şampuna 5 damcı rozmarin yağı əlavə edin, istifadə etməzdən əvvəl yaxşı çalxalayın. Müntəzəm istifadə etdikdə bir neçə həftəyə saçlar daha qalın görünməyə başlayır.
2. Limon suyu və ya limon efir yağı - daha uzun təravət üçün
Limon baş dərisini təmizləyir, yağlanmanı azaldır və saçlara parıltı verir.
Şampunun bir porsiyasına 1 çay qaşığı limon suyu və ya 3 damcı limon yağı əlavə edin.
Həssas və zədələnmiş dəridə istifadə etmək məsləhət deyil.
3. Nikotin turşusu (Vitamin B3) - saç tökülməsinə qarşı güclü təsir
Vitamin B3 qan damarlarını genişləndirir, saç köklərini daha yaxşı qidalandırır və uzanmanı sürətləndirir. Apteklərdə ampula şəklində satılır.
Bir ampulanı şampunun bir dəfəlik dozasına əlavə edin. Saçlar güclənir, tökülmə azalır.
4. Aktivləşdirilmiş kömür - dərindən təmizləmə
Kömür tərkibindəki porlarla kir, yağ və styling məhsulu qalıqlarını dərindən təmizləyir.
1–2 tablet kömürü əzin, şampuna qatın və həftədə 1 dəfə istifadə edin.
5. Çay ağacı yağı - yağlanma və kəpəyə qarşı
Bu yağ antibakterial təsiri ilə kəpəyi azaldır, qaşınmanı aradan qaldırır və saç dərisini sakitləşdirir.
100 millilitr şampuna 4–5 damcı çay ağacı yağı əlavə edin.
Bu təbii əlavələr saçları daha uzun müddət təmiz saxlayır, həcmini artırır, uzanmanı sürətləndirir, kəpəyi azaldır və baş dərisini sağlamlaşdırır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
