Qənirə Paşayeva Şimali Kiprdə azərbaycanlı tələbələrlə görüşdü - FOTO

Lent.az-ın məlumatına görə, görüş zamanı Azərbaycana ilk səfərini xatırlayan A.Öztopraq ölkəmizlə təhsil sahəsində əməkdaşlığın genişlənməsindən məmnun olduğunu deyib.

Qənirə Paşayeva isə öz növbəsində universiteti bitirən gənclərin peşəkar kadrlar kimi yetişəcəyinə inandığını deyib.

Ətraflı fikir mübadiləsi ilə keçən görüşün sonunda millət vəkili Qənirə Paşayeva Doğu Akdeniz Universitetinin rektoruna və universitetin kitabxanasına Qarabağ həqiqətlərinə dair kitabları təqdim edib.

Universitetin konfrans salonunda millət vəkili ilə azərbaycanlı tələbələrin geniş görüşü keçirilib. Millət vəkili tələbələri maraqlandıran və narahat edən sualları cavablandırıb və ətraflı fikir mübadiləsi aparılıb.

Tədbirin sonunda Doğu Akdeniz Universiteti Azərbaycan Tələbə Cəmiyyətinin sədri Elçin Süleymanov Qənirə Paşayevaya Azərbaycan Tələbə Cəmiyyətinin Fəxri Qadın Prezidenti diplomunu təqdim edib.