Hazırda İçərişəhər Dövlət Tarix Memarlıq Qoruq İdarəsinin İdarə Heyətinin sədri vəzifəsində olan Şahin Seyidzadənin deputatlığa namizədliyi qeydə alınıb.
Lent.az-ın məlumatına görə, bu barədə Seyidzadə özü bildirib.
O qeyd edib ki, VII çağırış Milli Məclisə seçkilərdə 87 saylı Qobustan-Şamaxı-İsmayıllı seçki dairəsindən deputatlığa namizədliyi qeydə alınıb.
Şahin Seyidzadə VI çağırış Milli Məclisin də deputatı olub. Lakin daha sonra o, İçərişəhər Dövlət Tarix Memarlıq Qoruq İdarəsinin İdarə Heyətinin sədri təyin olunub və deputat səlahiyyətlərinə xitam verilib.
Yenidən seçkidə iştirak etməsi isə o deməkdir ki, Şahin Seyidzadə deputat fəaliyyətinə daha çox üstünlük verib.
Görünən odur ki, millət vəkili seçiləcəyi təqdirdə, Seyidzadə indiki vəzifəsi ilə vidalaşmalı olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
